نظم

نت نئے زخم دیے عہدِ ستم گر نے مجھے

غم سے لاچار ہوں میں ، کشتۂ آلام ہوں میں 

میں بیاں کیسے کروں عالمِ افسردہ دلی

خود سے بیزار ہوں میں ، خستہ و ناکام ہوں میں 

اے مری راحتِ جاں ، اے مرے دل کی دھڑکن

رونقِ دہر ہے تو ، جانِ بہاراں ہے تو

ایک اک بول ترا حرفِ مسیحائی ہے 

دردِ بے مہرئ افلاک کا درماں ہے تو

ابر و باراں سے نہیں ، نغمۂ بلبل سے نہیں

خندۂ گل ترے اعجازِ تکلم سے ہے 

رنگ و خوشبو سے نہیں ، تازہ ہواؤں سے نہیں

موسمِ لالہ وگل تیرے تبسم سے ہے

 دشتِ ظلمات میں جل جائے گی قندیل اگر 

بخش دے نور تری مشعلِ رخسار مجھے 

ٹوٹ جائیں گی فرائض کی سبھی زنجیریں

قید اگر کر لیں ترے گیسوئے خمدار مجھے

میں علاجِ غمِ دوراں کے لیے آیا ہوں 

تیرے کوچے میں زمانے سے کنارہ کر کے 

آج شب کر مئے گلفام سے سرشار مجھے 

چشمِ دل دار سے ہلکا سا اشارہ کر کے

چھیڑ اے جانِ جہاں نغمۂ شیریں کوئی

کہ ہو چارہ گرئ قلبِ حزیں آج کی رات

اور دکھلا دے مجھے جلوہ رخِ تاباں کا

جس کی ضو سے ہے خجل ماہِ مبیں آج کی رات

بھول کے عہدِ گزشتہ کے گلے شکوے سبھی 

اپنے دیوانے کو بانہوں میں سما لے جاناں 

مثلِ پروانہ ہوں میں اور تو مانندِ شمع

رات بھر مجھ کو جلانے کا مزا لے جاناں

اے صنم آج ترے در پہ کھڑا ہے سمرن

مہرباں پھر سے تری راہگزر ہو کہ نہ ہو

آج ہم ساتھ ہیں تو کر شبِ قربت کی قدر

وقت اِس درجہ حسیں بارِ دگر ہو کہ نہ ہو

नित नए ज़ख्म दिए अहद-ए-सितमगर ने मुझे

ग़म से लाचार हूँ मैं, कुश्ता-ए-आलाम हूँ मैं 
मैं बयाँ कैसे करूँ आलम-ए-अफ़्सुर्दा-दिली 
ख़ुद से बेज़ार हूँ मैं, ख़स्ता-ओ-नाकाम हूँ मैं 

ए मिरी राहत-ए-जाँ, ए मिरे दिल की धड़कन

रौनक-ए-दहर है तू, जान-ए-बहाराँ है तू

एक इक बोल तिरा हर्फ़-ए-मसीहाई है
दर्द-ए-बे-महरी-ए-अफ़्लाक का दरमाँ है तू

अब्र-ओ-बाराँ से नहीं, नग़्मा-ए-बुलबुल से नहीं
ख़ंदा-ए-गुल तिरे ए'जाज़-ए-तकल्लुम से है

रंग-ओ-ख़ुशबू से नहीं, ताज़ा हवाओं से नहीं
मौसम-ए-लाला-ओ-गुल तेरे तबस्सुम से है

दश्त-ए-ज़ुल्मात में जल जाएगी क़ंदील अगर

बख़्श दे नूर तिरी मश'अल-ए-रुख़्सार मुझे

टूट जाएँगी फ़राइज़ की सभी ज़ंजीरें 
क़ैद अगर कर लें तिरे गेसू-ए-ख़मदार मुझे

मैं इलाज-ए-ग़म-ए-दौराँ के लिए आया हूँ

तेरे कूचे में ज़माने से किनारा कर के
आज शब कर मय-ए-गुलफ़ाम से सरशार मुझे

चश्म-ए-दिल-दार से हल्का सा इशारा कर के

छेड़ ए जान-ए-जहाँ नग़्मा-ए-शीरीं कोई

कि हो चारा गरी-ए-क़ल्ब-ए-हज़ीं आज की रात

और दिखला दे मुझे जलवा रुख़-ए-ताबाँ का

जिस की ज़ौ से है ख़जिल माह-ए-मुबीं आज की रात

भूल के अहद-ए-गुज़श्ता के गिले शिकवे सभी

अपने दीवाने को बाँहों में समा ले जानाँ 
मिस्ल-ए-परवाना हूँ मैं और तू मानिंद-ए-शम'अ

रात-भर मुझ को जलाने का मज़ा ले जानाँ 

ए सनम आज तिरे दर पे खड़ा है सिमरन 
मेहरबाँ फिर से तरी राहगुज़र हो कि ना हो
आज हम साथ हैं तो कर शब-ए-क़ुरबत की क़द्र   
वक़्त इस दर्जा हसीं बार-ए-दिगर हो कि ना हो