فیض صاحب سے معذرت

دل نا امید ہی نہیں ، ناکام بھی تو ہے

غم کی یہ شام حشر کا ہنگام بھی تو ہے

بے چینیوں کے ساتھ کچھ آرام بھی تو ہے

دورِ خزاں میں یادِ گل اندام بھی تو ہے 

نازِ بہار رونقِ گلشن کے ساتھ ساتھ 

حسن و جمالِ عارضِ گلفام بھی تو ہے

یوں ہی نہیں بھٹک رہیں دشتِ جنوں میں ہم 

مقصود ایک منزلِ بے نام بھی تو ہے 

قیدِ وفا میں لذتِ فریاد ہی نہیں 

قیدِ وفا میں لذتِ آلام بھی تو ہے 

گو شیخ کو ہے دعویِٰ عشقِ رسولِ پاک

حبِ بتان و الفتِ اصنام بھی تو ہے 

وحشی مزاج و رندِ بلا نوش ہی نہیں 

سمرن تمہارا عاشقِ بدنام بھی تو ہے 

दिल ना-उमीद ही नहीं, नाकाम भी तो है

ग़म की यह शाम हश्र का हंगाम भी तो है

बे-चैनीओं के साथ कुछ आराम भी तो है

दौर-ए-ख़िज़ाँ में याद-ए-गुल-अंदाम भी तो है

नाज़-ए-बहार रौनक-ए-गुलशन के साथ साथ

हुस्न-ओ-जमाल-ए-आरिज़-ए-गुलफ़ाम भी तो है

यूँ ही नहीं भटक रहें दश्त-ए-जुनूँ में हम

मक़सूद एक मन्ज़िल-ए-बेनाम भी तो है

क़ैद-ए-वफ़ा में लज़्ज़त-ए-फ़रियाद ही नहीं

क़ैद-ए-वफ़ा में लज़्ज़त-ए-आलाम भी तो है

गो शैख़ को है दावा-ए-इश्क़-ए-रसूल-ए-पाक

हुब्ब-ए-बतान-ओ-उल्फ़त-ए-असनाम भी तो है

वहशी मिज़ाज ओ रिंद-ए-बला नोश ही नहीं

सिमरन तुम्हारा आशिक़-ए-बदनाम भी तो है