ایک غزل ۲۰۲۵ کے نام

ہر ایک گوشے میں بکھری شمیمِ یار اس سال

چمن میں آئی ہے سمرن عجب بہار اس سال

ہوا ہے ختم کڑا دورِ انتظار اس سال

ہمارے شہر میں آئے وہ شہسوار اس سال

خوشا کہ وعدہ و پیماں وفا ہوئے آخر

ہمیں بھی آ گیا قسمت پہ اعتبار اس سال

نوائے بلبلِ شیریں نوا ہے شیریں تر

ہے سرخ تر رخِ رنگینِ گل عذار اس سال

تبسّمِ گل و غنچہ کی چارہ سازی نے

رفو کیے ہیں مرے زخم بے شمار اس سال

زہے نصیب کہ گردش میں پھر ہے جامِ کہن

نشے میں مست و غزل خواں ہیں باده خوار اس سال

نگاہِ کافرِ ساقی نے توڑ دی توبہ

ہوئے ہیں حضرتِ واعظ گناہ گار اس سال

کیا ہے گردنِ عاشق پہ تیغِ حسن نے وار

اٹھا ہے دوش سے آخر غموں کا بار اس سال

حریمِ ناز ہو ، میخانہ ہو ، کہ ہو مقتل

گئے ہیں خندہ بہ لب تیرے جاں نثار اس سال

کیا ہے چرخ نے کچھ رحم جانِ سمرن پر

ہوا ستم گرِ سفّاک شرمسار اس سال

हर एक गोशे में बिखरी शमीम-ए-यार इस साल

चमन में आई है सिमरन अजब बहार इस साल

हुआ है ख़त्म कड़ा दौर-ए-इंतिज़ार इस साल

हमारे शहर में आए वो शह-सवार इस साल

ख़ुशा कि वादा-ओ-पैमाँ वफ़ा हुए आख़िर

हमें भी आ गया क़िस्मत पे ए‘तिबार इस साल

नवा-ए-बुलबुल-ए-शीरीं नवा है शीरीं-तर

है सुर्ख़-तर रुख़-ए-रंगीन-ए-गुल-अज़ार इस साल

तबस्सुम-ए-गुल-ओ-ग़ुंचा की चारासाज़ी ने

रफ़ू किए हैं मेरे ज़ख़्म बे-शुमार इस साल

ज़हे नसीब कि गर्दिश में फिर है जाम-ए-कुहन

नशे में मस्त-ओ-ग़ज़ल-ख़्वाँ हैं बादा-ख़्वार इस साल

निगाह-ए-काफ़िर-ए-साक़ी ने तोड़ दी तौबा

हुए हैं हज़रत-ए-वाइज़ गुनाहगार इस साल

किया है गर्दन-ए-आशिक़ पे तेग़-ए-हुस्न ने वार

उठा है दोश से आख़िर ग़मों का बार इस साल

हरीम-ए-नाज़ हो, मैख़ाना हो, कि हो मक़्तल 

गए हैं ख़ंदा-ब-लब तेरे जाँ-निसार इस साल

किया है चर्ख़ ने कुछ रहम जान-ए-सिमरन पर

हुआ सितमगर-ए-सफ़्फ़ाक शर्मसार इस साल

---

دیتے ہیں زخمِ خار گل و یاسمن مجھے

ہے ناگوار رونقِ صحنِ چمن مجھے

بارِ جفائے سخت اٹھاتا رہوں گا میں

عہدِ وفا کا پاس ہے اے جانِ من مجھے

اک نغمۂ بہار سنانے کے واسطے

درکار ہے توجۂ یک گل بدن مجھے

خلوت نشیں ہوا پئے تسکینِ جان و دل

آزار دے رہی تھی ہر اک انجمن مجھے

جاتا ہوں میں بہ خانۂ یزداں اگر کبھی

مہمانِ خاص ملتے ہیں واں اہرمن مجھے

میں اپنی دھن میں مست تھا، مجھ کو خبر نہ تھی

بے آبرو کرے گا مرا بانکپن مجھے

رکھتا ہے پارسائی و تقویٰ کی رہ سے دور

ذوقِ پرستشِ بتِ ایماں شکن مجھے

देते हैं ज़ख़्म-ए-ख़ार गुल-ओ-यासमन मुझे

है नागवार रौनक़-ए-सह्न-ए-चमन मुझे

बार-ए-जफ़ा-ए-सख़्त उठाता रहूँगा मैं

अहद-ए-वफ़ा का पास है ऐ जान-ए-मन मुझे

इक नग़्मा-ए-बहार सुनाने के वास्ते

दरकार है तवज्जोह-ए-यक-गुल-बदन मुझे

ख़लवत-नशीं हुआ पए-तस्कीन-ए-जान-ओ-दिल

आज़ार दे रही थी हर इक अंजुमन मुझे

जाता हूँ मैं ब-ख़ाना-ए-यज़दाँ अगर कभी

मेहमान-ए-ख़ास मिलते हैं वाँ अहरमन मुझे

मैं अपनी धुन में मस्त था, मुझ को ख़बर न थी

बे-आबरू करेगा मिरा बाँकपन मुझे

रखता है पारसाई-ओ-तक़्वा की रह से दूर

ज़ौक़-ए-परस्तिश-ए-बुत-ए-ईमाँ-शिकन मुझे

گلہ ہے حضرتِ واعظ کو اس سبب ہم سے

کلام کرتے ہیں اصنام روز و شب ہم سے

سنا ہے جب سے کیا عرضِ مدعا ہم نے 

خفا ہیں حلقۂ یاراں میں سب کے سب ہم سے

ہیں آشنا کئی اصحابِ با ادب اُن کے

پسند آئیں گے کیوں اُن کو بے ادب ہم سے

ہوئی ہے رشک سے برہم نگاہ عالم کی

وہ ہم سخن سرِ محفل ہوئے ہیں جب ہم سے

دو جام اگر تو اٹھانے دے محتسب امشب

بہت دعائیں دیں گے تجھ کو تشنہ لب ہم سے

چراغ و عطر و گلاب و شراب ، سب تھے مگر

سجی نہ آپ کے بن محفلِ طرب ہم سے

فسردہ دل ہیں وہ ہم کو نکال کر سمرن

کہ اُن کی بزم میں ملتے نہیں ہیں اب ہم سے

गिला है हज़रत-ए-वाइज़ को इस सबब हम से

कलाम करते हैं अस्नाम रोज़-ओ-शब हम से

सुना है जब से किया अर्ज़-ए-मुद्दआ हम ने

ख़फ़ा हैं हल्क़ा-ए-याराँ में सब के सब हम से

हैं आश्ना कई अस्हाब-ए-बा-अदब उनके

पसंद आएँगे क्यों उनको बे-अदब हम से

हुई है रश्क़ से बरहम निगाह आलम की

वो हम-सुख़न सर-ए-महफ़िल हुए हैं जब हम से

दो जाम अगर तू उठाने दे मुहतसिब इमशब
बहुत दुआएँ देंगे तुझ को तिश्ना-लब हम से

चिराग़-ओ-'इत्र-ओ-गुलाब-ओ-शराब, सब थे मगर
सजी न आप के बिन महफ़िल-ए-तरब हम से

फ़सुर्दा-दिल हैं वो हम को निकाल कर समरन
कि उनकी बज़्म में मिलते नहीं हैं अब हम से

میرا اور تنہائی کا رشتہ

مرا اور میری تنہائی کا رشتہ خوب پیارا ہے

دیا اُس نے شبِ فرقت مری جاں کو سہارا ہے

کیا اُس نے مری تاریک راتوں میں اُجالا ہے

مجھے گردابِ بحرِ ياس سے باہر نکالا ہے

ہوا ہے جادۂ الفت میں جب کوئی ستم تازہ 

ديا جب میرے دل کو گل رخوں نے زخمِ غم تازہ

دلِ مجروحِ تیرِ حسن کا شيون سنا اُس نے

مرے قلبِ حزیں سے حرفِ دلجوئی کہا اُس نے

کوئی ہمدم نہ کوئی دردمند امداد کو آیا

مجھے وقتِ مصیبت صرف تنہائی نے بہلایا 

مری غم خوار تنہائی ، مری ہم راز تنہائی 

مری دلدار تنہائی ، مری دم ساز تنہائی

فقط ایسا نہیں ہے قلب کی تسکین ہوتی ہے

کہ تنہائی سے ہی تو عظمتِ شاہین ہوتی ہے

اُسی کے عشق نے مجھ کو کیا ہے آشنا خود سے

حریمِ نازِ تنہائی کے اندر میں ملا خود سے

مگر اک خوئے تنہائی ہے جو مجھ کو ستاتی ہے

کہیں جانا ہو مجھ کو وہ بھی میرے ساتھ جاتی ہے

ہر اک لحظہ ، ہر اک جا پر وہ میرے پاس رہتی ہے

مجھے دنیائے خوباں سے جدا رہنے کو کہتی ہے

مرے نزدیک بیٹھی ہوتی ہے ہر انجمن میں وہ

مرے پہلو سے اُٹھتی ہی نہیں صحنِ چمن میں وہ

مجھے کہتی ہے یہ رشتہ وہ آخر تک نبھائے گی

مجھے کہتی ہے محشر تک وہ میرے ساتھ جائے گی

اگرچہ اُس کے الطاف و عنایت سے میں شاداں ہوں 

ولیکن اس قدر قربت سے میں کچھ کچھ پریشاں ہوں 

سنا تھا میں نے تنہائی کے جو عشاق ہوتے ہیں

الجھ کر دامِ یادِ رفتگاں میں روز روتے ہیں

سنا تھا اُن کی ہستی کا نہیں رہتا نشاں کوئی

اُنہیں ملتا نہیں ہے دو جہاں میں رازداں کوئی

مگر پھر بھی دل اپنا سادگی سے دے دیا اُس کو

بھری دنیا کو ٹھکرا کر رفیقِ جاں کیا اُس کو

کوئی دیوانہ تنہائی کو جب دل اپنا دیتا ہے 

وہ تنہائی سے عہدِ ترکِ عالم باندھ لیتا ہے

پھر اُس کے ساتھ اپنوں کا کوئی سایہ نہیں رہتا

اگر یہ رشتہ جُڑ جائے ، کوئی رشتہ نہیں رہتا

اُن کا نام سنتے ہی بے قرار ہوتا ہے 

اُن کے ہر اشارے پر دل نثار ہوتا ہے

جب تمہارے چہرے سے اُس کی آنکھ اٹھتی ہے

رخ تمہارے عاشق کا سوئے دار ہوتا ہے 

وہ جسے جہاں سارا غم گسار کہتا ہے

کون ایسے بے کس کا غم گسار ہوتا ہے 

اُن کو میرے وعدوں پر کچھ یقیں نہیں ہوتا 

بس عدو کی باتوں پر اعتبار ہوتا ہے

اپنے ہاتھوں سے جب وہ مہ لقا پلاتا ہے 

زہر زندگی کا تب خوش گوار ہوتا ہے 

وہ مرا بتِ کم سن مانتا نہیں لیکن

میری داستاں سن کر شرمسار ہوتا ہے 

اولِ شبِ ہجراں جب چراغ جلتے ہیں 

اُس گھڑی تصور میں روئے یار ہوتا ہے 

بے کلی کے عالم میں کٹ گئی شبِ وعدہ 

منہ اندھیرے اب کس کا انتظار ہوتا ہے

اُن کے سامنے سمرن چپ رہو تو بہتر ہے

بول کر ذلیل انساں اور خوار ہوتا ہے

شکوۀ تغافل

اے نازِ نو بہار ! ترے منتظر ہیں گل

اب کیا ہوا کہ باغ میں آتی نہیں ہے تو

اے عندلیبِ گلشنِ جان و دل و نظر

اب موسمِ بہار میں گاتی نہیں ہے تو

اے مہرِ دل کشا کی شعاعِ حیات بخش

اب مجھ کو اپنا جلوہ دکھاتی نہیں ہے تو

اب مژدۂ بہار و نویدِ سحر تو کیا

دکھ کی کوئی خبر بھی سناتی نہیں ہے تو

آزردہ دل ہیں لالہ و نسرین و یاسمن

بادِ صبا کو رنگ پہ لاتی نہیں ہے تو

اب کشتِ مہر و عشق ہے ویران و تشنہ کام

بن کے گھٹا زمین پہ چھاتی نہیں ہے تو

کیا بات ہے کہ اب لبِ گوہر فشان سے

شہد و شکر کی نہر بہاتی نہیں ہے تو

وہ جس حدیثِ شوق سے تھا بزم میں خروش

اب وہ حدیثِ شوق سناتی نہیں ہے تو

وہ دورِ رقصِ بادہ و ایامِ سر خوشی

ذکر اُن کا اب زبان پہ لاتی نہیں ہے تو

سمرن کے ساتھ میکدۂ رنگ و نور میں

اب زندگی کا جشن مناتی نہیں ہے تو

رقصان و نغمہ خوان و بصد نازِ دلبری

اب اِس طرح سے بام پہ آتی نہیں ہے تو

اب کس طرح میں تجھ کو سناؤں بیانِ دل

اب دل جلوں سے ربط بڑھاتی نہیں ہے تو

جانے وہ کیا ہوئی تری طبعِ وفا شعار

وعدے ہزار کر کے نبھاتی نہیں ہے تو

سمرن کو بس یہ ایک ہی شکوہ ہے جانِ جاں

اب اس کو جامِ عشق پلاتی نہیں ہے تو

ए नाज़-ए-नौ-बहार तिरे मुंतज़िर हैं गुल

अब क्या हुआ कि बाग़ में आती नहीं है तू

ए अंदलीब-ए-गुलशन-ए-जान-ओ-दिल-ओ-नज़र

अब मौसम-ए-बहार में गाती नहीं है तू

ए मेह्र-ए-दिल-कुशा की शु'आ-ए-हयात-बख़्श

अब मुझ को अपना जलवा दिखाती नहीं है तू 

अब मुझ़्दा-ए-बहार-ओ-नवीद-ए-सहर तो क्या 

दुख की कोई ख़बर भी सुनाती नहीं है तू

आज़ुरदा-दिल हैं लाला-ओ-नसरीन-ओ-यासमन

बाद-ए-सबा को रंग पे लाती नहीं है तू

अब किश्त-ए-मेह्र-ओ-इश्क़ है वीरान-ओ-तिश्ना-काम

बन के घटा ज़मीन पे छाती नहीं है तू

क्या बात है कि अब लब-ए-गौहर-फ़शान से

शहद-ओ-शकर की नहर बहाती नहीं है तू 

वो जिस हदीस-ए-शौक़ से था बज़्म में ख़ुरोश

अब वो हदीस-ए-शौक़ सुनाती नहीं है तू

वो दौर-ए-रक़्स-ए-बादा-ओ-अय्याम-ए-सरख़ुशी

ज़िक्र उन का अब ज़बान पे लाती नहीं है तू

सिमरन के साथ मैकदा-ए-रंग-ओ-नूर में

अब ज़िंदगी का जश्न मनाती नहीं है तू 

रक्सान-ओ-नग़्मा-ख़्वान-ओ-ब-सद-नाज़-ए-दिलबरी

अब इस तरह से बाम पे आती नहीं है तू 

अब किस तरह मैं तुझ को सुनाऊँ बयान-ए-दिल

अब दिल-जलों से रब्त बढ़ाती नहीं है तू

जाने वो क्या हुई तिरी तबअ-ए-वफ़ा-शिआर

वाअदे हज़ार कर के निभाती नहीं है तू 

सिमरन को बस ये एक ही शिकवा है जान-ए-जाँ

अब उस को जाम-ए-इश्क़ पिलाती नहीं है तू

تو نے اتنے دیے آزارِ محبت مجھ کو

اب نہ ہوتی ہے ترے رنگوں پہ حیرت مجھ کو 

قلزمِ حسن سے وہ موجِ بلا خیز اٹھی

ساحلِ دل پہ نظر آئی قیامت مجھ کو 

رتجگے ، سوزِ جگر ، لذتِ گریہ زاری

دے گیا طرفہ تحائف غمِ فرقت مجھ کو 

میرے چہرے پہ کبھی ایسی اداسی تو نہ تھی  

جانے کیا کر گئی آلام کی شدت مجھ کو 

اُن کے ہر لطف پہ آئی مجھے اللہ کی یاد 

راس آئی نہیں اصنام کی الفت مجھ کو

گو یہ اک خانۂ ویراں ہی تھا ، لیکن پھر بھی 

دل کے لُٹنے پہ ہوئی خوب ندامت مجھ کو

तू ने इतने दिए आज़ार-ए-मुहब्बत मुझको

अब न होती है तिरे रंगों पे हैरत मुझको

क़ुल्ज़ुम-ए-हुस्न से वो मौज-ए-बला-ख़ेज़ उठी

साहिल-ए-दिल पे नज़र आई क़ियामत मुझको

रत-जगे, सोज़-ए-जिगर, लज़्ज़त-ए-गिर्या-ज़ारी

दे गया तुर्फ़ा तहाइफ़ ग़म-ए-फुर्क़त मुझको

मेरे चेहरे पे कभी ऐसी उदासी तो ना थी

जाने क्या कर गई आलाम की शिद्दत मुझको

उन  के हर लुत्फ़ पे आई मुझे अल्लाह की याद

रास आई नहीं अस्नाम की उलफ़त मुझको

गो ये इक ख़ाना-ए-वीराँ ही था, लेकिन फिर भी

दिल के लुटने पे हुई ख़ूब नदामत मुझको